ایران کبھی سرنڈر نہیں کرے گا، اقوام متحدہ میں ایرانی مندوب کا دو ٹوک پیغام

اقوام متحدہ میں ایران کے مندوب سعید ایروانی نے دو ٹوک الفاظ میں کہا ہے کہ ایران کبھی سرنڈر نہیں کرے گا اور اپنی خودمختاری کا ہر صورت دفاع کرے گا۔

اپنے بیان میں انہوں نے کہا کہ ایران کا جوہری پروگرام پرامن مقاصد کے لیے ہے اور ملک پرامن جوہری ٹیکنالوجی کے حصول کو جاری رکھے گا۔ انہوں نے امریکا اور اسرائیل پر الزام عائد کیا کہ انہوں نے ایرانی رہنماؤں، بشمول آیت اللہ علی خامنہ ای، کو نشانہ بنایا اور شہری علاقوں پر حملے کیے۔

سعید ایروانی نے کہا کہ ان حملوں میں بچوں اور عام شہریوں کی ہلاکتیں ہوئی ہیں اور ایران میں سکولوں، ہسپتالوں اور رہائشی عمارتوں کو نشانہ بنایا جا رہا ہے۔ انہوں نے زور دیا کہ اقوام متحدہ کو اس قسم کے واقعات پر خاموش نہیں رہنا چاہیے اور عالمی برادری کو فوری نوٹس لینا چاہیے۔