پاکستان اور آئی ایم ایف مشن کے درمیان باضابطہ مذاکرات کا آغاز

حکومتِ پاکستان اور بین الاقوامی مالیاتی فنڈ (IMF) کے درمیان رواں مالی سال کے اقتصادی جائزے کے لیے باضابطہ مذاکرات کا آغاز ہو گیا ہے۔
مشن چیف ایوا پیٹروا کی قیادت میں آئی ایم ایف وفد نے وزیرِ خزانہ محمد اورنگزیب اور ان کی معاشی ٹیم سے ملاقات کی۔ ملاقات کے دوران معاشی ٹیم نے آئی ایم ایف کو رواں مالی سال کے پہلے چھ ماہ کی کارکردگی رپورٹ پیش کی۔ وزیرِ خزانہ نے وفد کو معاشی اصلاحات اور اب تک حاصل کیے گئے اہداف پر تفصیلی بریفنگ دیتے ہوئے بتایا کہ حکومت مالیاتی استحکام کے لیے پرعزم ہے۔