ایران کا امریکی بحری بیڑے یوایس ایس ابراہم لنکن پر میزائل حملے کا دعویٰ

ایران کے پاسدران انقلاب نے امریکی بحری بیڑے یو ایس ایس ابراہم لنکن پر چار بیلسٹک میزائلوں سے حملے کا دعویٰ کیا ہے۔امریکہ نے ایران کے اس دعوے پر تاحال کوئی ردِعمل ظاہر نہیں کیا۔

یو ایس ایس ابراہم لنکن امریکہ کا پانچواں طیارہ بردار بحری جہاز ہے جس میں جدید ترین ایف-35 اسٹیلتھ جیٹ طیارے شامل ہیں۔ یہ طیارے دُشمن کے ریڈار سے بچنے کی صلاحیت بھی رکھتے ہیں۔

اس بحری بیڑے میں اسٹرائیک گروپ کے پاس ٹوماہاک کروز میزائلوں سے لدے ڈسٹرائر بھی ہیں اور عام طور پر اس کے ساتھ جوہری طاقت سے چلنے والی آبدوز بھی ہوتی ہے جو یہی میزائل فائر کرنے کی صلاحیت رکھتی ہے۔تصدیق شدہ سیٹلائٹ تصاویر کے مطابق یوایس ایس ابراہم لنکن کو  15 فروری کو عمان کے ساحل پر دیکھا گیا تھا۔