کراچی میں امریکن قونصل خانے کے قریب فائرنگ، 8 افراد جاں بحق، متعدد زخمی، ریسکیو حکام

کراچی میں مائی کلاچی روڈ پر امریکن قونصل خانے کے قریب فائرنگ اور ہنگامہ آرائی کے دوران جاں بحق افراد کی تعداد 8 ہوگئی جبکہ متعدد زخمی ہوئے ہیں ۔ ریسکیو حکام کے مطابق زخمیوں کو فوری طور پر سول اسپتال کے ٹراما سینٹر منتقل کردیا گیا ہے۔

عینی شاہدین کے مطابق قونصل خانے کے اطراف شدید کشیدگی دیکھنے میں آئی جبکہ فائرنگ اور شیلنگ کے واقعات بھی پیش آئے۔

ترجمان آئی ایس او نے دعویٰ کیا کہ مظاہرین نے امریکن قونصل خانے کا دروازہ توڑ کر اندر داخل ہونے کی کوشش کی۔ شہر میں صورتحال کشیدہ ہونے کے باعث مظاہرین کی بڑی تعداد قونصل خانے کے اطراف جمع ہوگئی۔

حکام کے مطابق پولیس نے مظاہرین کو منتشر کرنے کے لیے شیلنگ کی اور علاقے میں سیکیورٹی سخت کردی گئی ہے۔ پولیس کا کہنا ہے کہ امن و امان کی بحالی کے لیے اقدامات جاری ہیں۔