نیتن یاہو کا خامنہ ای کے جاں بحق ہونے کا دعویٰ، ایران کی تردید

اسرائیل کے وزیراعظم نیتن یاہو نے ایرانی سپریم لیڈر آیت اللہ علی خامنہ ای سے متعلق بڑا دعویٰ کرتے ہوئے کہا ہے کہ ایسے اشارے ملے ہیں کہ وہ اب موجود نہیں رہے۔

اپنے بیان میں اسرائیلی وزیراعظم نے کہا کہ آیت اللہ علی خامنہ ای کی موت کی باضابطہ تصدیق نہیں ہوئی، تاہم بعض اطلاعات کے مطابق ایرانی پاسدارانِ انقلاب کے کمانڈر بھی مارے گئے ہیں۔

دوسری جانب ایران نے اسرائیلی وزیراعظم کے بیان کو مسترد کرتے ہوئے واضح کیا ہے کہ آیت اللہ علی خامنہ ای محفوظ مقام پر موجود اور خیریت سے ہیں۔

اسرائیلی ذرائع ابلاغ نے بھی اپنے وزیراعظم کے دعوے کی نفی کرتے ہوئے رپورٹ کیا ہے کہ خامنہ ای کے کمپاؤنڈ پر تقریباً تیس بم گرائے گئے، تاہم اس وقت وہ وہاں موجود نہیں تھے۔

صورتحال کے بعد خطے میں کشیدگی میں مزید اضافے کا خدشہ ظاہر کیا جا رہا ہے۔