ایران میں حکومت کی تبدیلی کا امریکی مشن ناممکن ہے، ایرانی وزیرخارجہ

ایرانی وزیر خارجہ عباس عراقچی نے کہا ہے کہ ایران میں حکومت تبدیلی کا مشن ناممکن ہے، سپریم لیڈر آیت اللہ خامنہ ای زندہ ہیں۔

امریکی میڈیا کو انٹرویو میں ایرانی وزیر خارجہ کا کہنا تھا کہ ڈونلڈ ٹرمپ کی جانب سے ایران کی حکومت تبدیلی کا مشن ناممکن ہے۔انہوں نے کہاکہ ایرانی کمانڈرز کی شہادت ہونے سے کوئی بڑا فرق نہیں پڑے گا، ڈونلڈ ٹرمپ کے لیے پیغام ہے کہ ایران میں حکومت کا خاتمہ مشن امپوسیبل ہے۔

عباس عراقچی نے کہا کہ ایران کشیدگی میں کمی میں دلچسپی رکھتا ہے، پہلے حملے روکے جائیں پھر کوئی بات چیت ہوگی۔ ہم جوہری افزدوگی سمیت اپنا کوئی حق نہیں چھوڑیں گے، ایران کے پُرامن جوہری پروگرام کی ضمانت دینے والا جوہری معاہدہ کیا جاسکتا ہے۔عباس عراقچی نے کہا کہ امریکی سرزمین کو نشانہ بنانے کی صلاحیت ہمارے پاس نہیں ہے۔