ایران پر حملےعلاقائی امن تباہ کردینگے، ترجمان دفترخارجہ، خلیجی ممالک پر حملوں کی مذمت

پاکستان کا  مشرق وسطیٰ میں مذاکرات کی ناکامی اور جنگ چھڑنے پرپاکستان کا گہرے افسوس کا اظہار۔ترجمان دفترخارجہ طاہر اندرابی نے ایک بیان میں کہاکہ ایران پر حملے علاقائی امن و استحکام کو تباہ کر دیں گے جبکہ برادر خلیجی ممالک پر ایرانی حملے خود مختاری کی کھلی خلاف ورزی ہیں۔​انہوں نے متحدہ عرب امارات میں حملے کے دوران پاکستانی شہری کے جاں بحق ہونے کی تصدیق کی۔

ترجمان دفتر خارجہ کے مطابق ​پاکستان نے سعودی عرب، متحدہ عرب امارات اور بحرین کے ساتھ مکمل یکجہتی کا اظہار کیا ہے۔ پاکستان نے اردن، کویت اورقطر پر ایرانی حملوں کی بھی شدید مذمت کی ہے۔ ​پاکستان نے  تمام فریقین سے فوری تحمل اور سفارت کاری کی طرف واپسی کا مطالبہ کیا ہے ،ترجمان نے کہا کہ  ​عالمی قوانین اور اقوام متحدہ کے چارٹر کی پاسداری یقینی بنائی جائے۔۔