ایران نے امریکا اور اسرائیل کیخلاف جوابی کارروائی کو ‘آپریشن وعدہ صادق 4’ کا نام دیدیا

ایرانی پاسدارانِ انقلاب نے مشرقِ وسطیٰ میں امریکی عسکری موجودگی اور اسرائیل کے خلاف ‘آپریشن وعدہ صادق 4’ شروع کرنے کا باضابطہ اعلان کر دیا ہے۔ ایرانی سرکاری میڈیا کے مطابق، اس آپریشن کے تحت بحرین میں تعینات امریکی بحریہ کے اہم ترین ‘ففتھ فلیٹ’ (Fifth Fleet) کو نشانہ بنایا گیا ہے۔ اس کے علاوہ قطر، متحدہ عرب امارات اور مقبوضہ فلسطین (اسرائیل) کے وسطی علاقوں میں واقع فوجی اڈوں پر بھی میزائلوں اور ڈرونز سے حملے کیے گئے ہیں۔ پاسدارانِ انقلاب کا کہنا ہے کہ یہ کارروائی ‘بچوں کے قاتل’ صہیونی رجیم اور ان کے حامیوں کے خلاف ہے اور یہ سلسلہ مزید جاری رہے گا۔