پاک ایران وزرائے خارجہ کا رابطہ: اسحاق ڈار کی ایران پر حملوں کی شدید مذمت

نائب وزیراعظم و وزیر خارجہ سینیٹر محمد اسحاق ڈار کو ایرانی ہم منصب سید عباس عراقچی نے ٹیلیفون کیا، جس میں خطے کی تیزی سے بدلتی ہوئی صورتحال پر تفصیلی تبادلۂ خیال کیا گیا۔ اسحاق ڈار نے ایران پر ہونے والے بلااشتعال حملوں کی شدید الفاظ میں مذمت کرتے ہوئے واضح کیا کہ پاکستان خطے میں بڑھتی ہوئی کشیدگی پر گہری تشویش رکھتا ہے۔ انہوں نے زور دیا کہ مسائل کا حل صرف مذاکرات اور سفارت کاری میں مضمر ہے، اور پاکستان بحران کے پرامن حل کے لیے ہر ممکن تعاون جاری رکھے گا۔ دونوں رہنماؤں نے خطے میں امن و استحکام کی خاطر مستقبل میں بھی قریبی رابطے برقرار رکھنے پر اتفاق کیا ہے۔