افغانستان اور پاکستان بین الاقوامی قانون کی پاسداری کریں: اقوامِ متحدہ کی اپیل

پاکستان اور افغانستان کے درمیان بڑھتی ہوئی فوجی کشیدگی پر اقوامِ متحدہ نے گہری تشویش کا اظہار کیا ہے۔ اقوامِ متحدہ کے سیکریٹری جنرل انتونیو گوتریس نے دونوں ممالک پر زور دیا ہے کہ وہ بین الاقوامی انسانی حقوق کے قوانین کی پاسداری کریں اور شہریوں کے تحفظ کو یقینی بنائیں۔ انسانی حقوق کے سربراہ وولکر ترک نے حالیہ فضائی حملوں اور جھڑپوں کے بعد جنیوا سے جاری بیان میں کہا کہ طاقت کا استعمال مسائل کا حل نہیں، فریقین کو فوری طور پر میز پر بیٹھنا چاہیے۔ انہوں نے خبردار کیا کہ سرحدوں پر بڑھتی ہوئی عسکری کارروائیاں خطے کے امن کے لیے سنگین خطرہ بن سکتی ہیں۔