وزیراعظم شہباز شریف کے متوقع دورہِ روس پر ماریہ زخارووا کا ردعمل

وزیراعظم شہباز شریف کے متوقع دورۂ ماسکو سے قبل روس میں سفارتی سرگرمیوں میں غیر معمولی تیزی آ گئی ہے۔ روسی وزارتِ خارجہ کی ترجمان ماریہ زخارووا نے اعلان کیا ہے کہ 27 فروری کو ماسکو میں ایک خصوصی “روسی، پاکستانی میڈیا فورم” منعقد ہوگا، جو وزیراعظم کے دورے کے پس منظر میں ترتیب دیا گیا ہے۔ اس فورم میں دونوں ممالک کے صحافی، ماہرینِ سیاسیات اور تجزیہ کار شرکت کریں گے۔ ماریہ زخارووا کا کہنا ہے کہ اس اقدام کا مقصد دونوں ملکوں کے عوام کو ایک دوسرے کے بارے میں مستند معلومات فراہم کرنا اور میڈیا کے شعبے میں عملی تعاون کو فروغ دینا ہے