پاکستان سٹاک ایکسچینج میں زبردست تیزی، کاروبار کا مثبت زون میں اختتام

پاکستان سٹاک ایکسچینج میں کاروبار کا اختتام مثبت زون میں ہوا ہے۔

کاروباری ہفتے کے چوتھے روز بھی کاروبار کے آغاز پر سٹاک مارکیٹ میں منفی رجحان دیکھنے میں آیا ہے، 1500 سے زائد پوائنٹس کی کمی کے ساتھ پاکستان سٹاک ایکسچینج میں ہنڈرڈ انڈیکس ایک لاکھ 62 ہزار 953 پوائنٹس کی سطح پر آ گیا ہے۔
بعدازاں ٹریڈنگ کے دوران سٹاک مارکیٹ مثبت زون میں آ گئی، 4000 سے ہزار پوائنٹس کے اضافے کے ساتھ پاکستان سٹاک ایکسچینج میں ہنڈرڈ انڈیکس ایک لاکھ 69 ہزار 374 پوائنٹس کی سطح پر پہنچ گیا۔
تاہم سٹاک مارکیٹ میں کاروباری دن کے اختتام تک ہنڈرڈ انڈیکس 4266 پوائنٹس بڑھ کر ایک لاکھ 68 ہزار 839 پوائنٹس کی نفسیاتی حد پر بند ہوا۔
سٹاک ایکسچینج میں آج 567 کمپنیوں میں سے 291 کمپنیوں میں اضافہ، جبکہ 145 کمپنیوں میں کمی ہوئی، پاکستان سٹاک مارکیٹ میں 35 ارب روپے مالیت کے 69 کروڑ شیئرز کا کاروبار ہوا۔
واضح رہے کہ گزشتہ کاروباری دن کے اختتام پر ہنڈرڈ انڈیکس ایک لاکھ 64 ہزار 626 پوائنٹس کی سطح پر بند ہوا تھا۔