امریکا: برفانی طوفان سے نظام زندگی مفلوج، ہزاروں پروازیں منسوخ

شمال مشرقی امریکا میں آنے والے ایک تاریخی اور شدید برفانی طوفان نے نظامِ زندگی کو مفلوج کر دیا ہے۔ تیز ہواؤں اور ریکارڈ توڑ برف باری کے باعث ریاستوں میں ہنگامی صورتحال پیدا ہو گئی ہے، جس سے لاکھوں صارفین بجلی کی سہولت سے محروم ہو گئے ہیں۔

ریاست رہوڈ آئی لینڈ میں 3 فٹ سے زائد برف ریکارڈ کی گئی ہے، جبکہ نیویارک کے سینٹرل پارک میں 20 انچ تک برف پڑی۔ایوی ایشن حکام کے مطابق اب تک 5,600 سے زائد پروازیں منسوخ کی جا چکی ہیں، جس سے ہزاروں مسافر ہوائی اڈوں پر پھنس کر رہ گئے ہیں۔ریاست میساچوسٹس میں ہنگامی حالت نافذ کر دی گئی ہے اور شہریوں کو گھروں میں رہنے کی سخت تاکید کی گئی ہے۔شدید ہواؤں کے باعث بجلی کی لائنیں گرنے سے لاکھوں گھروں اور کاروباری مراکز کی بجلی منقطع ہو گئی ہے۔امداد ٹیمیں سڑکوں سے برف ہٹانے اور بجلی بحال کرنے میں مصروف ہیں، تاہم محکمہ موسمیات نے انتباہ جاری کیا ہے کہ سردی کی یہ لہر اور برفانی طوفان کا اثر آئندہ چند روز تک برقرار رہ سکتا ہے۔