واشنگٹن اسکوائر پارک میں اہلکاروں پر برف پھینکنے کا واقعہ، زہران ممدانی کا درعمل
Web Desk
24 February 2026
امریکی ریاست نیویارک کے شہر میں واقع واشنگٹن اسکوائر پارک میں برفانی کھیل کے دوران پولیس اہلکاروں کو نشانہ بنانے کے واقعے کی تحقیقات شروع کر دی گئی ہیں۔
پولیس حکام کے مطابق پیر کی شام پارک میں غیر معمولی رش تھا اور لوگ برف باری سے لطف اندوز ہو رہے تھے۔ اسی دوران کچھ افراد نے صورتحال کو کشیدہ بنا دیا اور موقع پر موجود اہلکاروں پر برف کے گولے پھینکنے لگے۔
ویڈیوز میں دیکھا جا سکتا ہے کہ اہلکاروں کو چاروں طرف سے گھیر لیا گیا اور انہیں آوازیں کَسنے کے ساتھ ساتھ برف کا نشانہ بھی بنایا گیا۔ حکام کا کہنا ہے کہ بارہا وارننگ دی گئی مگر بعض افراد باز نہ آئے۔
پولیس کمشنر جیسیکا ٹش نے کہا کہ اہلکاروں پر حملہ کسی صورت برداشت نہیں کیا جائے گا اور ملوث افراد کی شناخت کے لیے ویڈیوز کا باریک بینی سے جائزہ لیا جا رہا ہے۔
ڈیٹیکٹوز اینڈومنٹ ایسوسی ایشن کے صدر اسکاٹ منرو نے اپنے بیان میں کہا کہ ذمہ دار افراد کو گرفتار کیا جائے گا اور قانون کے مطابق کارروائی ہو گی۔
اہلکاروں کی تنظیموں نے میئر زہران ممدانی اور ضلعی وکیل ایلون بریگ سے مطالبہ کیا ہے کہ واقعے کی مذمت کی جائے اور سخت اقدام اٹھایا جائے۔
پولیس کے مطابق کئی افراد نے نقاب پہن رکھے تھے جس سے شناخت کا عمل مشکل ہو گیا ہے، تاہم شواہد اکٹھے کیے جا رہے ہیں اور تحقیقات جاری ہیں۔
میئر نیویارک زہران ممدانی نے واشنگٹن اسکوائر پارک میں برف کے گیند پھینکنے کے واقعے پر اپنے ردعمل میں کہا کہ یہ انتہائی غیر مناسب رویہ تھا۔
انہوں نے بتایا کہ پولیس اہلکار برفانی طوفان کے دوران شہر کے لوگوں کی حفاظت اور گاڑیوں کو نکالنے کے ساتھ ایمبولینسز اور بسوں کی خدمت میں فرنٹ لائن پر موجود تھے، اور ان کے احترام اور تحفظ کو یقینی بنایا جانا چاہیے۔
میئر نے کہا کہ ویڈیو میں زیادہ تر بچے نظر آئے، مگر بالغ افراد کے شامل ہونے کا امکان بھی موجود ہے۔ انہوں نے یہ واضح کیا کہ شہر کے عملے کے ساتھ عزت و احترام کا رویہ لازمی ہے اور ایسے واقعات کو دوبارہ روکنے کے لیے ضروری اقدامات کیے جائیں گے۔
متعلقہ عنوانات
بلٹ پروف اور لگژری گاڑیوں کی وائرل ویڈیو کا معاملہ، مزید تین افراد گرفتار
22 November 2026
بلوچستان کے ضلع خضدار اور گردونواح میں زلزلے کے جھٹکے، شدت 3.6 ریکارڈ
22 November 2026
پاک چین دوستی کا تاریخ ساز سنگِ میل ،شین زو-24کی لانچنگ کی مشق کامیابی سے مکمل
22 November 2026
پاکستان میں جوہری سلامتی پر عالمی اجلاس آج سے شروع ہوگا
22 November 2026
مریم نواز کا بابا گرو نانک کے جنم دن کی تقریبات میں شرکت کرنیوالے سکھ یاتریوں کا خیرمقدم
22 November 2026
خیبرپختونخوا کیلئے 160 ارب روپے کا ترقیاتی پیکج، صوبے کو 10 ارب روپے جاری
22 November 2026
وزیراعظم شہبازشریف 30 نومبر سے روس کا 3 روزہ سرکاری دورہ کریں گے
22 November 2026
موسمیاتی تبدیلی ہماری تہذیب اور تاریخی ورثے کیلئے بڑا خطرہ بن چکی: مصدق ملک
22 November 2026