بھارت کی اپنے شہریوں کو ایران سے نکل جانے کی ہدایت

بھارت کی وزارتِ خارجہ نے ایران میں موجودتمام بھارتی شہریوں کو فوری طور پر ملک چھوڑنے کی ہدایت کردی۔میڈیارپورٹس کے مطابق یران اور امریکا کے درمیان بڑھتی  کشیدگی اور ممکنہ امریکی حملے کے خدشات کے باعث بھارتی شہریوں کو ایران چھوڑنے کی ہدایت کی گئی ہے۔

تہران میں بھارتی سفارتخانے نے سوشل میڈیا پر جاری بیان میں کہا کہ ایران میں بدلتی ہوئی صورتحال کے پیش نظر جو بھارتی شہری اس وقت ایران میں موجود ہیں، وہ دستیاب ذرائع کے ذریعے جلد از جلد ایران چھوڑ دیں۔بیان میں مزید کہا گیا کہ تمام بھارتی شہری اور بھارتی نژاد افراد احتیاط برتیں، احتجاج یا مظاہروں کے مقامات سے دور رہیں اور ایرانی حکام کی ہدایات پر عمل کریں۔