عافیہ صدیقی کیس، وزیراعظم اورکابینہ کو توہین عدالت کے نوٹسزکا حکم واپس
Web Desk
23 February 2026
اسلام آباد ہائیکورٹ کے مطابق آئین کے آرٹیکل 202 اور ہائی کورٹ رولز کے تحت چیف جسٹس ہی ماسٹر آف دی روسٹر ہیں، چیف جسٹس اسلام آباد ہائیکورٹ ہی بینچوں کی تشکیل کا خصوصی اختیار رکھتے ہیں۔
عدالت کے مطابق عافیہ صدیقی کیس میں 21 جولائی 2025 کا حکم نامہ قانونی دائرہ اختیار سے باہر تھا، اس وقت متعلقہ جج منظور شدہ روسٹر کا حصہ نہیں تھے، عدالت نے 21 جولائی 2025 کے حکم نامے کو کالعدم قرار دے دیا۔ وزیراعظم اور کابینہ کو توہین عدالت کے نوٹسز جاری کرنے کا حکم واپس لے لیا.
لارجر بینچ کے مطابق ہائی کورٹ کا کوئی بھی بینچ چیف جسٹس کے منظور شدہ روسٹر کے ذریعے تشکیل ہوتا ہے، عدالتی اختیار جج کی انفرادی حیثیت سے وابستہ نہیں ہوتا، عدالتی اختیار صرف قانونی طور پر تشکیل شدہ بینچ کے ذریعے ہی استعمال کیا جا سکتا ہے۔
فیصلے کے مطابق کوئی بھی جج یا بینچ اپنی مرضی سے کسی مقدمے کو خود کو الاٹ نہیں کر سکتا، کوئی جج منظور شدہ روسٹر سے باہر جا کر کسی مقدمے کی سماعت نہیں کر سکتا، منظور شدہ روسٹر کی خلاف ورزی پر جاری کیے گئے احکامات کی کوئی قانونی حیثیت نہیں۔ عدالت کے مطابق چیف جسٹس کو اختیار حاصل ہے وہ مقدمات کو یکجا کر کے کسی بھی بینچ کو منتقل کر دیں، ہائی کورٹ کے قواعد کی پابندی تمام ججوں اور عدالتی افسران پر لازم ہے۔
لارجر بینچ جسٹس ارباب محمد طاہر، جسٹس انعام امین منہاس، جسٹس محمد اعظم خان اور جسٹس خادم حسین سومرو پر مشتمل تھا۔واضح رہ کہ جسٹس سردار اعجاز اسحاق خان نے وفاقی حکومت کی جانب سے ڈاکٹر عافیہ صدیقی کی واپسی کے لئے کی جانے والی کوششوں پر عدم اطمینان کا اظہار کیا تھااورحکام کو توہینِ عدالت کے شوکاز نوٹس جاری کیے تھے۔
متعلقہ عنوانات
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز
19 November 2026
شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر
19 November 2026
ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ
19 November 2026
خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ
19 November 2026
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026