امریکا: شمال مشرقی علاقوں میں شدید برفانی طوفان، 11 ہزار پروازیں منسوخ

امریکا کے شمال مشرقی علاقوں میں شدید برفانی طوفان کے باعث ملک بھر میں 11 ہزار سے زائد پروازیں منسوخ کر دی گئیں، جبکہ متعدد پروازیں تاخیر کا شکار ہیں۔

فیڈرل ایوی ایشن ایڈمنسٹریشن نے نیویارک ایئرپورٹس پر گراؤنڈ اسٹاپ کی وارننگ جاری کی ہے تاکہ مسافروں کی حفاظت کو یقینی بنایا جا سکے۔

شمال مشرقی امریکا میں پیر کی صبح تک شدید برفباری اور تیز ہواؤں کی پیشگوئی کی گئی ہے۔
ریاست میزوری اور ورمونٹ میں برفباری ریکارڈ کی گئی، جبکہ جنوبی میساچوسٹس میں اولے بھی گرے۔
ڈیلاویئر، مشرقی میری لینڈ، نیوجرسی، نیویارک سٹی اور جنوبی نیو انگلینڈ کے لیے شدید موسم کی وارننگ جاری ہے۔