اسرائیلی قبضے سے متعلق بیان پر سعودی عرب کا سخت ردعمل، امریکی محکمہ خارجہ سے وضاحت طلب
Web Desk
22 February 2026
ریاض: مشرقِ وسطیٰ پر اسرائیلی قبضے سے متعلق امریکی سفیر کے بیان پر سعودی عرب نے شدید ردعمل دیتے ہوئے اسے مسترد کر دیا ہے اور امریکی محکمہ خارجہ سے باضابطہ وضاحت طلب کر لی ہے۔
سعودی وزارتِ خارجہ کی جانب سے جاری بیان میں کہا گیا کہ ایسے غیر ذمہ دارانہ بیانات نہ صرف بین الاقوامی قوانین اور اصولوں کے منافی ہیں بلکہ خطے کے امن و استحکام کے لیے بھی سنگین خطرہ بن سکتے ہیں۔ بیان میں کہا گیا کہ اس معاملے کی نوعیت اور اس کے محرکات کو واضح کیا جانا ضروری ہے۔
دوسری جانب اسلامی تعاون تنظیم نے بھی امریکی سفیر کے بیان کی سخت مذمت کرتے ہوئے اسے بین الاقوامی قوانین اور اقوام متحدہ کے چارٹر کی صریح خلاف ورزی قرار دیا۔ تنظیم نے اپنے اعلامیے میں کہا کہ اس طرح کے بیانات اشتعال انگیز ہیں اور خطے میں کشیدگی میں اضافے کا باعث بن سکتے ہیں۔
سعودی عرب اور اسلامی تعاون تنظیم نے عالمی برادری پر زور دیا ہے کہ وہ ایسے بیانات کا نوٹس لے اور مشرقِ وسطیٰ میں امن، خودمختاری اور بین الاقوامی قوانین کے احترام کو یقینی بنانے کے لیے مؤثر کردار ادا کرے۔
واضح رہے کہ گزشتہ روز اسرائیل میں تعینات امریکی سفیر مائیک ہکابی نے کہا تھا کہ خدا نے یہ زمین اسرائیلیوں کو دی ہے اور پورے خطے پر قبضہ ان کا حق ہے۔
متعلقہ عنوانات
بلٹ پروف اور لگژری گاڑیوں کی وائرل ویڈیو کا معاملہ، مزید تین افراد گرفتار
22 November 2026
بلوچستان کے ضلع خضدار اور گردونواح میں زلزلے کے جھٹکے، شدت 3.6 ریکارڈ
22 November 2026
پاک چین دوستی کا تاریخ ساز سنگِ میل ،شین زو-24کی لانچنگ کی مشق کامیابی سے مکمل
22 November 2026
پاکستان میں جوہری سلامتی پر عالمی اجلاس آج سے شروع ہوگا
22 November 2026
مریم نواز کا بابا گرو نانک کے جنم دن کی تقریبات میں شرکت کرنیوالے سکھ یاتریوں کا خیرمقدم
22 November 2026
خیبرپختونخوا کیلئے 160 ارب روپے کا ترقیاتی پیکج، صوبے کو 10 ارب روپے جاری
22 November 2026
وزیراعظم شہبازشریف 30 نومبر سے روس کا 3 روزہ سرکاری دورہ کریں گے
22 November 2026
موسمیاتی تبدیلی ہماری تہذیب اور تاریخی ورثے کیلئے بڑا خطرہ بن چکی: مصدق ملک
22 November 2026