امریکاسے مذاکرات، عالمی طاقتوں کے دباؤ کے سامنے نہیں جھکیں گے، ایرانی صدر

ایرانی صدر مسعود پزشکیان نے کہاہے  کہ امریکا کے ساتھ جوہری مذاکرات کے دوران عالمی طاقتوں کے دباؤ کے سامنے نہیں جھکیں گے۔

مسعود پزشکیان نے سرکاری ٹیلی ویژن پر براہ راست نشر ہونے والی تقریر میں کہا کہ عالمی طاقتیں ہمیں اپنا سر جھکانے پر مجبور کرنے کے لیے کمر بستہ ہیں۔۔ لیکن ان تمام مسائل کے باوجود ہم اپنا سر نہیں جھکائیں گے۔

ایران اور امریکاکے درمیان جوہری مذاکرات کا ایک نیا دور شروع ہو گیا ہے۔ بات چیت کا پہلا دورمذاکرات کی ثالثی کرنے والے عمان کے دارالحکومت مسقط میں ہواجبکہ دوسرا دورجنیوا میں منعقد ہوا۔امریکی صدر ڈونلڈ ٹرمپ نے دھمکی دی ہے کہ اگر ایران امریکا کے ساتھ جوہری معاہدے میں شامل نہیں ہوا تو بہت کچھ براہوگا۔امریکی صدر یہ بھی کہہ چکے ہیں کہ وہ  ایران کے خلاف محدود فوجی کارروائی پر غور کر رہے ہیں۔