رمضان المبارک میں ریاض الجنہ کی زیارت کا نیا شیڈول جاری

مدینہ المنورہ میں رمضان المبارک کے دوران ریاض الجنہ کی زیارت کا نیا شیڈول جاری کر دیا گیا ہے۔

اعلامیے کے مطابق پہلے دو عشروں میں مردوں کے لیے زیارت کے دو اوقات مقرر کیے گئے ہیں۔ پہلا وقت صبح 11 بج کر 20 منٹ سے رات 8 بجے تک جبکہ دوسرا وقت رات 2 بجے سے صبح 5 بجے تک ہوگا۔

خواتین کے لیے پہلے دو عشروں میں زیارت کا وقت رات 11 بجے سے رات 1 بج کر 40 منٹ تک اور صبح 6 بجے سے 11 بجے تک مقرر کیا گیا ہے۔

تیسرے عشرے میں مردوں کے لیے تین اوقات رکھے گئے ہیں: صبح 11 بج کر 20 منٹ سے رات 8 بجے تک، رات 11 بجے سے 12 بجے تک، اور صبح 2 بجے سے 5 بجے تک۔

خواتین کے لیے تیسرے عشرے میں زیارت کا وقت صبح 6 بجے سے 11 بجے تک مقرر کیا گیا ہے۔