وزیراعظم شہباز شریف کا دورہ امریکا مکمل ، لندن روانگی ، اتوار کو وطن واپس پہنچیں گے

اسلام آباد: وزیراعظم شہباز شریف شہباز شریف اپنا دورہ امریکا مکمل کرنے کے بعد امریکی وقت کے مطابق رات 8 بجے لندن روانہ ہوں گے، جہاں ایک روزہ قیام کے بعد اتوار کو وطن واپس آئیں گے۔

دورے کے دوران وزیراعظم نے امریکہ میں منعقدہ غزہ بورڈ آف پیس اجلاس میں شرکت کی اور خطاب بھی کیا۔ اپنے خطاب میں انہوں نے کہا کہ غزہ میں پائیدار امن کا قیام پاکستان کا اہم مشن ہے اور عالمی برادری کو اس مقصد کے لیے مشترکہ کوششیں کرنی ہوں گی۔

وزیراعظم نے تنازعات کے حل میں ڈونلڈ ٹرمپ کے کردار کو سراہتے ہوئے کہا کہ ان کی بروقت مداخلت سے پاک بھارت جنگ رکی، جس سے کروڑوں قیمتی جانیں بچیں اور وہ امن کے علمبردار ہیں۔