ڈیگو گارشیا کے جزائر کسی اور کے حوالے نہ کیے جائیں، ٹرمپ کا برطانوی وزیراعظم کو پیغام

امریکی صدر ڈونلڈ ٹرمپ نے برطانوی وزیراعظم کو واضح پیغام دیتے ہوئے کہا ہے کہ ڈیگو گارشیا کے جزائر کا کنٹرول کسی اور ملک کے حوالے نہ کیا جائے۔ صدر ٹرمپ نے برطانوی وزیراعظم کے سو سالہ لیز کے بیان پر رد عمل دیتے ہوئے کہا کہ ایسے معاہدے ملکوں پر لازمی نہیں ہوتے۔

صدر ٹرمپ نے اپنے سوشل میڈیا بیان میں کہا کہ امریکا اور برطانیہ کے درمیان مشترکہ فوجی کارروائیوں کے لیے ضروری جزیرہ ڈیگو گارشیا کا کنٹرول کسی تیسرے فریق کو نہ دیا جائے۔ ان کا کہنا تھا کہ اگر ایسا کیا گیا تو یہ ایک اتحادی کے چہرے پر داغ کے مترادف ہوگا۔