وزیراعظم شہباز شریف آج واشنگٹن میں غزہ بورڈ آف پیس کے افتتاحی اجلاس میں شرکت کریں گے

اسلام آباد: وزیراعظم شہباز شریف لندن سے امریکا کے لیے روانہ ہو گئے ہیں جہاں وہ واشنگٹن میں غزہ بورڈ آف پیس کے افتتاحی اجلاس میں شرکت کریں گے۔

ترجمان دفتر خارجہ کے مطابق وزیراعظم کو امریکی صدر ڈونلڈ ٹرمپ نے اجلاس میں شرکت کی دعوت دی تھی۔ وزیراعظم انیس فروری کو واشنگٹن ڈی سی میں منعقد ہونے والے افتتاحی اجلاس میں شریک ہوں گے۔

ترجمان کے مطابق نائب وزیراعظم و وزیر خارجہ اسحاق ڈار اور دیگر اعلیٰ حکام بھی وفد کا حصہ ہیں۔

دورے کے دوران وزیراعظم کی امریکی قیادت اور شریک عالمی رہنماؤں سے ملاقاتیں متوقع ہیں، جن میں دوطرفہ تعلقات اور اہم عالمی امور پر تبادلہ خیال کیا جائے گا۔