LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان

ریڈ زون میں احتجاج روکنے والوں نے عملاً کراچی کو ’ڈیتھ زون‘ بنا رکھا ہے، منعم ظفر خان

Web Desk

17 February 2026

کراچی: امیر جماعت اسلامی کراچی منعم ظفر خان نے کہا ہے کہ ریڈ زون میں احتجاج روکنے والوں نے عملاً کراچی کو ’ڈیتھ زون‘ بنا دیا ہے۔

ادارہ نورحق میں ایم پی اے محمد فرحان فاروق اور دیگر رہنماؤں کے ہمراہ پریس کانفرنس کرتے ہوئے منعم ظفر خان نے کہا کہ پیپلز پارٹی کا وڈیرہ مائنڈ سیٹ کسی صورت قبول نہیں کریں گے۔ حق کے لیے احتجاج کرنے والوں پر بدترین ریاستی جبر اور فسطائیت کا مظاہرہ کیا گیا۔

امیر جماعت اسلامی کراچی نے کہا کہ پورے شہر کا انفراسٹرکچر تباہ کر دیا گیا ہے، لوگ اپنے حق کے لیے نکلیں تو کہا جاتا ہے کہ وہ ریڈ زون میں نہیں آ سکتے۔ انہوں نے مزید کہا کہ تحریک مزاحمت آگے بڑھے گی اور رمضان المبارک کے دوران کراچی میں 13 بڑے جلسے کیے جائیں گے۔ اس مہم کے تحت شہر کو ’جینے دو کراچی‘ کے حق کے لیے کھڑا کیا جائے گا۔

منعم ظفر خان نے کہا کہ پیپلز پارٹی جمہوریت کا دعویٰ کرتی ہے مگر دو روز قبل ان کی پُر امن احتجاجی ریلی پر پولیس نے بدترین تشدد کیا، آنسوگیس اور لاٹھی چارج کے باوجود کارکن ڈٹے رہے اور ان پر دہشت گردی کے مقدمات درج کیے گئے۔

انہوں نے کہا کہ آج بھی کراچی میں بجلی و گیس کی لوڈشیڈنگ ہو رہی ہے، اسٹریٹ کرائم کی وارداتیں بڑھ رہی ہیں، اور صنعتکاروں کو بھتے کی پرچیاں بھیجی جا رہی ہیں۔ کراچی کے ساتھ پیپلز پارٹی کی دشمنی عیاں ہے۔

امیر جماعت اسلامی کراچی نے مزید کہا کہ زخمی کارکن جیل میں ہیں اور کراچی کی ضرورت میگا سٹی گورنمنٹ ہے، کیونکہ تمام اختیارات اور وسائل سندھ حکومت کے زیر قابض ہیں۔ ان کا کہنا تھا کہ تحریک مزاحمت آگے بڑھے گی اور ماہ رمضان میں جلسے جاری رہیں گے۔

انہوں نے بتایا کہ دوران حراست 75 سالہ بزرگ کارکن رفیق کارکنان کو دل کا دورہ پڑا، اور اس کے باوجود تحریک کراچی کو اس کے حقوق دلوانے کے لیے مزاحمت کا راستہ اختیار کرے گی۔

منعم ظفر خان نے زور دے کر کہا کہ مطالبہ ہے کہ کراچی کو میگا سٹی گورنمنٹ دی جائے، اور تمام ادارے کراچی کو واپس لوٹائے جائیں۔ 18 ویں ترمیم کے بعد سندھ حکومت سارے اختیارات پر قابض ہے، پانی اور کچرا اٹھانے کا نظام بھی صوبائی حکومت کے ماتحت ہے، اس لیے مطالبہ ہے کہ اختیارات نچلی سطح پر منتقل کیے جائیں۔