بانی پی ٹی آئی کی طرز حکمرانی سے متعلق ہوشربا انکشافات،دی اکانومسٹ
Web Desk
15 November 2025
عالمی جریدے دی اکانومسٹ نے پاکستان تحریکِ انصاف کے بانی عمران خان کی سیاسی اور ذاتی زندگی سے متعلق حیران کن انکشافات کیے ہیں۔ رپورٹ کے مطابق، بانی پی ٹی آئی عمران خان نے اقتدار کے حصول کے لیے سیاست کے بجائے توہم پرستی کا راستہ اپنایا۔رپورٹ میں بتایا گیا ہے کہ بانی پی ٹی آئی عمران خان نے اپنی روحانی مشیر بشریٰ بی بی سے شادی کر کے پورے ملک کو حیران کر دیا۔ بشریٰ بی بی نے انہیں مشورہ دیا تھا کہ اگر وہ ان سے شادی کریں تو وزیراعظم بنیں گے۔
رپورٹ کے مطابق، بانی پی ٹی آئی عمران خان اکثر ٹی وی پر بیٹھ کر کہتے رہے کہ ان کا تعلق صرف روحانی رہنمائی تک محدود ہے، لیکن ایک سابق ساتھی نے بتایا کہ بشریٰ بی بی کالا جادو کرتی تھیں اور ملازمین کے ذریعے عملیات کے لیے کالے جانور کے سر اور دیگر سامان بھی منگواتی تھیں۔سابق وزیراعظم عمران خان کے دور میں ریاستی امور میں بشریٰ بی بی کے فیصلے کو حرفِ آخر سمجھا جاتا تھا اور ان کی اجازت کے بغیر بانی پی ٹی آئی عمران خان کا طیارہ بھی اڑان نہ بھرتا تھا۔ اہلیہ کے کہنے پر بانی پی ٹی آئی عمران خان نے وفادار ساتھیوں اور ملازمین سے دوری اختیار کی، اور بشریٰ بی بی اکثر سابق وزیراعظم اور آرمی چیف کی ملاقاتوں میں بھی موجود رہتی تھیں۔
کابینہ کے ایک رکن کے مطابق، بشریٰ بی بی حکومتی امور میں براہِ راست مداخلت کرتی تھیں، اور ان کی کرپشن بے نقاب کرنے پر بانی پی ٹی آئی نے اس وقت کے ڈی جی آئی ایس آئی کو عہدے سے ہٹا دیا۔رپورٹ میں یہ بھی کہا گیا ہے کہ بانی پی ٹی آئی عمران خان اقتدار کے لیے مذہب کا لبادہ اوڑھے رہے اور اکثر صحافیوں کے ساتھ ملکی امور کے بجائے کرکٹ اور اپنے معاشقوں پر زیادہ بات کرتے تھے۔
تحریکِ انصاف کو انہوں نے ایک منظم جماعت کے بجائے کلٹ کی طرح چلایا، اور حکومت میں آنے سے پہلے کیے گئے بلندو بانگ دعوے ایک بھی پورے نہیں کیے۔ کرپشن کے کیسز نے ان کے صاف و شفاف ہونے کے دعوے بھی بے نقاب کر دیے۔یہ رپورٹ پاکستان کے سیاسی منظرنامے میں ایک ہوشربا اور متنازعہ انکشاف کے طور پر سامنے آئی ہے، جو سابق وزیراعظم اور ان کی پارٹی کی قیادت پر سوالات کو مزید تقویت دیتی ہے
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026