پاکستان سٹاک مارکیٹ میں اچانک سے مندی، انڈیکس 2 حدیں کھو بیٹھا

کراچی: پاکستان اسٹاک مارکیٹ میں کاروباری ہفتے کے پہلے روز زبردست اتار چڑھاؤ دیکھنے میں آیا، جس کے نتیجے میں پاکستان سٹاک مارکیٹ کے ہنڈرڈ انڈیکس نے دو ہزار پوائنٹس سے زائد کی کمی دیکھی۔

کاروبار کے آغاز میں مارکیٹ میں زبردست تیزی رہی اور 300 سے زائد پوائنٹس کے اضافے کے ساتھ ہنڈرڈ انڈیکس 179,969 پوائنٹس کی سطح پر پہنچ گیا۔ تاہم ٹریڈنگ کے دوران مارکیٹ اچانک منفی زون میں چلی گئی اور انڈیکس 1,954 پوائنٹس کمی کے بعد 177,521 پوائنٹس پر آ گیا۔

گزشتہ کاروباری ہفتے کے اختتام پر ہنڈرڈ انڈیکس 179,603 پوائنٹس پر بند ہوا تھا، جس کے بعد اس ہفتے شدید اتار چڑھاؤ نے سرمایہ کاروں میں خدشات پیدا کر دیے ہیں۔ ماہرین کا کہنا ہے کہ عالمی مالیاتی صورتحال اور ملکی اقتصادی عوامل اسٹاک مارکیٹ پر اثر انداز ہو رہے ہیں۔