LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

بہار الیکشن میں ڈیموکریٹک الائنس کو برتری ، مودی کی گرفت مزید مضبوط

Web Desk

14 November 2025

بھارت کی ریاست بہار کے اسمبلی انتخابات میں نیشنل ڈیموکریٹک الائنس (این ڈی اے) نے غیر حتمی نتائج میں واضح برتری حاصل کرلی ہے، جس کے بعد ریاست میں بھارتی جنتا پارٹی (بی جے پی) اور اس کے اتحادیوں کی حکومت سازی کے امکانات نمایاں ہوگئے ہیں۔

243 نشستوں پر مشتمل اسمبلی میں حکومت بنانے کے لیے 122 نشستیں درکار ہوتی ہیں، جبکہ ابتدائی نتائج کے مطابق این ڈی اے 199 نشستوں پر آگے ہے۔ بی جے پی 84 نشستوں کے ساتھ سب سے بڑی جماعت کے طور پر اُبھری ہے، جبکہ وزیرِ اعلیٰ نتیش کمار کی جماعت جنتا دل (یونائیٹڈ) 78 نشستوں پر سبقت لیے ہوئے ہے۔ چراغ پاسوان کی لوک جن شکتی پارٹی 22 نشستوں پر آگے جارہی ہے۔

دوسری جانب اپوزیشن اتحاد ’مہاگٹھ بندھن‘ صرف 50 نشستوں پر برتری برقرار رکھے ہوئے ہے، جبکہ کانگریس محض 7 نشستیں حاصل کرسکی ہے۔

انتخابات سے قبل وزیرِ داخلہ امیت شاہ نے دعویٰ کیا تھا کہ این ڈی اے دو تہائی اکثریت کے ساتھ 160 سے زائد نشستیں جیت کر حکومت تشکیل دے گا۔ ابتدائی نتائج میں برتری کے بعد یونین وزیر گری راج سنگھ نے بیان دیا کہ “بہار میں کامیابی کے بعد ہمارا اگلا ہدف مغربی بنگال ہوگا۔“

سیاسی تجزیہ کاروں کے مطابق یہ انتخابات یہ بھی طے کریں گے کہ آیا نتیش کمار مسلسل پانچویں مرتبہ وزیرِ اعلیٰ کے منصب پر برقرار رہیں گے یا قیادت میں کوئی بڑی تبدیلی آئے گی۔

13 کروڑ آبادی کی حامل بھارت کی غریب ترین ریاستوں میں شمار ہونے والی بہار میں بے روزگاری اور غربت بڑے انتخابی مسائل تھے۔ بی جے پی نے اپنی مہم کے دوران ان موضوعات کو مرکزی حیثیت دی، جبکہ وزیرِ اعظم نریندر مودی نے گزشتہ ماہ ریاست کے لیے 8 ارب ڈالر کے ترقیاتی منصوبوں کا اعلان بھی کیا تھا۔

ماہرین کا کہنا ہے کہ اگر بہار میں بی جے پی اتحاد کی برتری برقرار رہتی ہے تو مستقبل میں دیگر اہم ریاستوں میں بھی پارٹی کی انتخابی حکمت عملی کو فائدہ مل سکتا ہے۔