سابق کپتان وسیم اکرم سیالکوٹ اسٹالینز کے صدربن گئے، کراچی میں فرنچائز لانچنگ تقریب

کراچی: پاکستان کے لیجنڈری فاسٹ بالر وسیم اکرم نے پاکستان سپر لیگ کی نئی فرنچائز سیالکوٹ اسٹالینز کے صدر کے طور پر شمولیت اختیار کر لی۔ کراچی میں سیالکوٹ اسٹالینز کی لانچنگ تقریب منعقد ہوئی جس میں سابق کرکٹرز، ہاکی اولمپئنز اور فرنچائز مالکان محمد شاہد، حمزہ مجید اور صبیحہ سلطان نے شرکت کی۔

تقریب سے خطاب میں مالکان نے بتایا کہ ٹیم کو متوازن انداز میں تیار کیا گیا ہے اور وہ امید کرتے ہیں کہ سیالکوٹ اسٹالینز پی ایس ایل الیون میں بہترین کارکردگی کا مظاہرہ کرے گی۔ پی ایس ایل کا آٹھ ٹیموں پر مشتمل میلہ 26 مارچ سے شروع ہو گا۔