LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان

حافظ نعیم الرحمان اور مولانا فضل الرحمان کی ملاقات، غزہ پاک فوج بھیجنے کی مخالفت اور عوامی تحریک کا اعلان

Web Desk

13 February 2026

اسلام آباد: حافظ نعیم الرحمان اور مولانا فضل الرحمان کے درمیان اہم ملاقات کے بعد میڈیا سے گفتگو میں ملکی و بین الاقوامی صورتحال، خصوصاً غزہ کی صورت حال پر تفصیلی تبادلہ خیال کیا گیا۔

مولانا فضل الرحمان نے حافظ نعیم الرحمان اور ان کے وفد کو خوش آمدید کہتے ہوئے کہا کہ موجودہ حالات میں قومی غیرت اور خودمختاری کا مظاہرہ ناگزیر ہے۔ حافظ نعیم الرحمان نے کہا کہ ملاقات میں غزہ سے متعلق مجوزہ “بورڈ آف پیس” کے اجلاس پر بھی گفتگو ہوئی اور انہیں خدشہ ہے کہ حکومت پاکستان کو کسی بین الاقوامی فورس کا حصہ بنانے کی کوشش کی جا سکتی ہے۔

انہوں نے واضح کیا کہ کسی بھی صورت پاکستان کا آئی ایس ایف یا کسی ایسی فورس میں شامل ہونا قابل قبول نہیں جس سے ملک کو علاقائی تنازعات میں دھکیلا جائے۔ ان کا کہنا تھا کہ پاکستان کو ایسی کسی جنگ میں شریک نہیں ہونا چاہیے جس سے پاکستان اور افغانستان دونوں کو نقصان پہنچے۔

مولانا فضل الرحمان نے کہا کہ فروری میں متوقع بورڈ آف پیس کا اجلاس دراصل اقوام متحدہ کو بائی پاس کرنے کی کوشش ہے اور اس میں پاکستان کی شرکت کسی صورت مناسب نہیں۔ انہوں نے اسلامی دنیا سے بھی اپیل کی کہ وہ اس اجلاس کا حصہ نہ بنے۔

رہنماؤں نے متنبہ کیا کہ اگر حکومت نے ان تحفظات کو نظر انداز کیا تو عیدالفطر کے بعد بھرپور عوامی مہم چلائی جائے گی۔ مولانا فضل الرحمان نے اعلان کیا کہ جے یو آئی کی جانب سے 12 تاریخ کو مردان میں ملین مارچ منعقد کیا جائے گا۔

انہوں نے کہا کہ فلسطین میں فوج بھیجنا پاکستان کو اسرائیل کے شانہ بشانہ کھڑا کرنے کے مترادف ہوگا، جبکہ موجودہ خارجہ پالیسی کو بھی انہوں نے ناکام قرار دیا۔