LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان

امریکا میں ہیلتھ کیئراسکیم میں ایک کروڑڈالر کا فراڈ، مبینہ کردارپر 2پاکستانی شہریوں پر فردجرم عائد

Web Desk

13 February 2026

امریکا میں ہیلتھ کیئراسکیم میں ایک کروڑڈالر کے فراڈ میں مبینہ کرداراداکرنے پر2پاکستانی شہریوں پر فردجرم عائد کردی گئی۔ امریکہ محکمہ انصاف  کے بیان کے مطابق 31 سالہ برہان مرزا اور 48 سالہ کاشف اقبال پر، کئی ساتھیوں کے ساتھ مل کر ان طبی خدمات اور آلات کا جعلی کلیم داخل کرانے کا الزام عائد کیا گیا جو کبھی فراہم ہی نہیں کیے گئے۔ بلنگ کا دعویٰ میڈیکیئر اور پرائیویٹ ہیلتھ کیئر بینیفٹس پروگرامز میں ان خدمات کے لیے بھی کیا گیا تھا جو کبھی دی ہی نہیں گئیں۔

بیان میں کہا گیا کہ یہ مبینہ اسکیم 2023 اور 2024 کے دوران چلائی گئی اور اس میں نامزد مالکان کی لیبارٹریزاور طبی آلات فراہم کرنے والے شامل تھے۔

محکمہ انصاف نے مزید کہا کہ دونوں ملزمان کے تین دیگر مبینہ ساتھی اس کیس میں پہلے ہی جرم قبول کر چکے ہیں۔ ویسٹ شکاگو کے 57 سالہ میر اکبر خان نے جعلی طبی کاروبار کے لیے نامزد مالکان بھرتی کرنے کا اعتراف کیا۔ دوسرے دو افراد میں شکاگو میں رہائش پذیر 47 سالہ بھارتی شہری فصیح الرحمان سید اور پلانو، ٹیکساس میں رہائش پذیر 43 سالہ پاکستانی شہری نوید رشید شامل ہیں۔

امریکی محکمہ انصاف کے بیان میں فرد جرم کا حوالہ دیتے ہوئے کہا گیا کہ پاکستان میں مقیم برہان مرزا نے مبینہ طور پر ہیلتھ کیئر سروس فراہم کرنے والوں اور انشورنس کمپنیوں کی شناختی معلومات ان کے علم میں لائے بغیر حاصل کیں۔اور نامزد ملکیتی کمپنیوں کی جانب سے میڈی کیئر اور نجی انشورنس کمپنیوں کو جمع کرائے گئے جعلی کلیمز کے لیے یہ معلومات استعمال کیں۔

فرد جرم میں کہا گیا کہ پاکستانی شہری کاشف اقبال مبینہ جرائم کے وقت لاوون، ٹیکساس میں رہائش پذیر تھے۔ وہ طبی آلات کی ان کئی کمپنیوں سے منسلک تھے جنہوں نے انشورنس کمپنیوں کے پاس جعلی کلیمز جمع کرائے۔بیان میں کہا گیا کہ تینوں سزا سنائے جانے کے منتظر ہیں۔

ڈپٹی اٹارنی جنرل ٹوڈ بلانچ نےاس حوالے سے  کہاکہ مدعا علیہان نے مبینہ طور پر میڈی کیئر سے لاکھوں ڈالر کا بل کیا اور اس رقم کو پاکستان میں غیرقانونی طورپر متنقل کیا۔ان ملزمان  نے امریکی بزرگوں اور معذوروں کو صحت کی دیکھ بھال کے فوائد فراہم کرنے کے لیے بنائے گئے پروگرام سے چوری کی۔ عدالت نے برہان مرزا پر پر ہیلتھ کیئر فراڈ کے 12 اور منی لانڈرنگ کے 5 الزامات، جبکہ اقبال پر ہیتھ کیئر فراڈ کے 12 اور منی لانڈرنگ کے چھ الزامات لگائے ہیں۔