LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان

عمران خان کی صحت پر سیاست نہ کی جائے، تمام حقائق سپریم کورٹ میں پیش ہو چکے: رانا ثناء اللہ

Web Desk

13 February 2026

اسلام آباد: سینیٹ اجلاس کے دوران وفاقی وزیر داخلہ رانا ثناء اللہ نے عمران خان کی صحت سے متعلق جاری بحث پر تفصیلی بیان دیتے ہوئے کہا کہ اس معاملے کے حقائق سپریم کورٹ میں پیش کیے جا چکے ہیں اور جو رپورٹ سپرنٹنڈنٹ جیل نے جمع کرائی، اس سے ملتی جلتی رپورٹ وکیل سلمان صفدر کی جانب سے بھی عدالت میں دی گئی ہے۔

رانا ثناء اللہ کا کہنا تھا کہ اگر یہ دعویٰ درست ہے کہ چار ماہ تک آنکھ کے مسئلے کا علاج نہیں ہوا تو یہ مجرمانہ غفلت ہوگی اور اسے ہرگز نظر انداز نہیں کیا جا سکتا۔ تاہم اگر حقائق اس کے برعکس ہیں تو پھر غلط بیانی اور بے بنیاد بیانیہ بنانا بھی مجرمانہ غفلت کے زمرے میں آئے گا۔

انہوں نے ایوان کو بتایا کہ جس روز عمران خان نے کہا کہ علاج سے افاقہ نہیں ہوا، اسی دن متعلقہ حکام کو خط لکھا گیا۔ 16 جنوری کو طبی معائنہ ہوا جبکہ 19 جنوری کو چار ڈاکٹروں نے دوبارہ معائنہ کیا۔ ان کے بقول پاکستان انسٹی ٹیوٹ آف میڈیکل سائنسز میں ٹیسٹ بھی کرائے گئے اور 24 جنوری کو باقاعدہ علاج فراہم کیا گیا۔ انہوں نے کہا کہ ریفر کیے جانے کے اگلے ہی روز ٹیسٹ مکمل کیے گئے اور اس کے دستاویزی شواہد موجود ہیں۔

وفاقی وزیر کا کہنا تھا کہ یہ تاثر درست نہیں کہ 4 اپریل سے شکایات کی جا رہی تھیں۔ ان کے مطابق جیل کا ڈاکٹر ہر دوسرے روز چیک اپ کرتا ہے اور جب بھی شکایت سامنے آئی، مجموعی طور پر 25 مرتبہ طبی معائنہ کیا گیا۔ آخری میڈیکل چیک اپ 9 دسمبر کو ہوا۔

انہوں نے مزید کہا کہ 2 دسمبر کو عظمیٰ خان کی ملاقات کے بعد میڈیا سے گفتگو کی ویڈیو موجود ہے جس میں انہوں نے عمران خان کی صحت کو تسلی بخش قرار دیا۔ اسی طرح 20 دسمبر کو توشہ خانہ کیس میں پیشی کے موقع پر بھی عمران خان نے کسی شدید طبی مسئلے کی نشاندہی نہیں کی۔

رانا ثناء اللہ نے کہا کہ اگر دسمبر میں معاملہ سنگین نہیں تھا تو چار ماہ سے مسلسل مسئلہ ہونے کا دعویٰ کیسے درست ہو سکتا ہے۔ ان کے بقول اس معاملے کو سیاسی رنگ دینا مناسب نہیں۔

انہوں نے بتایا کہ ڈاکٹروں کی سفارش پر کسی اور ماہر ڈاکٹر کو دکھانے کی تجویز بھی زیر غور ہے اور حکومت نے اس حوالے سے اجلاس کیا ہے۔ ان کا کہنا تھا کہ سپریم کورٹ جو ہدایت دے گی، اس پر عمل کیا جائے گا، تاہم علاج جیسے سنجیدہ معاملے پر سیاست نہیں ہونی چاہیے۔ اگر کسی کو اعتراض ہے تو وہ سپریم کورٹ سے رجوع کرے۔