کولمبو میں پاک بھارت ٹاکرا برقرار، سری لنکن صدر کا وزیراعظم شہباز شریف کو شکریہ

سری لنکا کے صدر انورا کمارا نے وزیراعظم شہباز شریف سے ٹیلیفونک گفتگو کے بعد پاک بھارت ٹی ٹوئنٹی میچ کے انعقاد پر ان کا شکریہ ادا کیا ہے۔

صدر انورا کمارا نے اپنے بیان میں کہا کہ کھیل کے تسلسل کو برقرار رکھنے میں وزیراعظم پاکستان نے مثبت کردار ادا کیا۔ انہوں نے کہا کہ خوشی ہے کہ کولمبو میں شیڈول پاک بھارت میچ طے شدہ پروگرام کے مطابق ہوگا۔

وزیراعظم شہباز شریف نے گفتگو کے دوران کہا کہ پاکستان مشکل حالات میں سری لنکا کے تعاون کو نہیں بھول سکتا اور معاملے پر مشاورت کے بعد حتمی فیصلہ کیا گیا۔