پنجاب:صوبے بھر میں بارش اور بالائی علاقوں میں برفباری کے حوالے سے الرٹ جاری
Web Desk
9 February 2026
ترجمان پی ڈی ایم اے کے مطابق 8 سے 10 فروری تک پنجاب کے بالائی علاقوں میں بارش اور برفباری کا امکان ہے، جبکہ صوبے کے بیشتر اضلاع میں بھی بارش کی پیشگوئی کی گئی ہے۔
پی ڈی ایم اے کا کہنا ہے کہ 9 اور 10 فروری کے دوران مری، گلیات اور گردونواح میں برفباری اور بارش متوقع ہے، جبکہ انہی دنوں لاہور میں بھی گھنے بادلوں کے ساتھ بارش کا امکان ظاہر کیا گیا ہے۔
جنوبی پنجاب کے اضلاع میں گھنے بادلوں کے ساتھ بارش اور ژالہ باری کی پیشگوئی کی گئی ہے۔ راولپنڈی، اٹک، جہلم، سرگودھا، میانوالی، بھکر، لیہ، ڈیرہ غازی خان، خوشاب، جھنگ، نورپور تھل، گجرات، گجرانوالہ، حافظ آباد، منڈی بہاؤالدین اور سیالکوٹ میں بھی بارش متوقع ہے۔
ڈی جی پی ڈی ایم اے عرفان علی کاٹھیا کے مطابق لوکل گورنمنٹ، محکمہ صحت، ریسکیو 1122، پولیس اور محکمہ ٹرانسپورٹ کو الرٹ جاری کر دیا گیا ہے۔ وزیر اعلیٰ پنجاب کی ہدایات کے پیش نظر تمام اداروں کو پیشگی انتظامات مکمل رکھنے کی ہدایت کی گئی ہے جبکہ ایمرجنسی کنٹرول رومز میں عملے کو 24 گھنٹے الرٹ رہنے کا حکم دیا گیا ہے۔
ریسکیو 1122 کی ڈیزاسٹر رسپانس ٹیموں کو بھی ہائی الرٹ رکھا گیا ہے۔ شہریوں کو خراب موسم کے دوران غیر ضروری سفر سے گریز کرنے کی ہدایت کی گئی ہے۔
پی ڈی ایم اے کے مطابق مری میں برفباری کے پیش نظر ضلعی انتظامیہ اور متعلقہ ادارے مکمل طور پر الرٹ ہیں۔ سیاحوں کو احتیاطی تدابیر اختیار کرنے اور انتظامیہ کی ہدایات پر عمل کرنے کی تاکید کی گئی ہے۔
حکام نے ڈرائیورز کو تیز رفتاری اور اچانک بریک لگانے سے اجتناب کرنے اور دوران سفر فوگ لائٹس استعمال کرنے کی ہدایت کی ہے۔
شہری کسی بھی ہنگامی صورتحال میں پی ڈی ایم اے کی ہیلپ لائن 1129 پر رابطہ کر سکتے ہیں۔
متعلقہ عنوانات
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026
بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان
19 November 2026
حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ
19 November 2026
سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار
19 November 2026