امریکا نے پاکستان کے ریکوڈک منصوبے کے لیے 1.3 ارب ڈالر قرض کی منظوری دے دی

امریکا نے پاکستان کے ریکوڈک منصوبے کے لیے ایک ارب 30 کروڑ ڈالر قرض کی منظوری دے دی ہے۔ واشنگٹن میں امریکی وزیر خارجہ کی زیر صدارت اجلاس میں اہم معدنیات کی ترسیل کو محفوظ بنانے کے طریقوں پر تبادلۂ خیال کیا گیا۔

اجلاس میں سپلائی چین کے نئے ذرائع بنانے، محفوظ اور قابل بھروسہ ٹرانسپورٹ اور لاجسٹکس نیٹ ورکس کو فروغ دینے پر اتفاق کیا گیا۔
یہ قرض امریکی صدر ٹرمپ کے والٹ پروجیکٹ کے تحت امریکی ایکسپورٹ امپورٹ بینک فراہم کرے گا۔