مقبوضہ کشمیر میں آزادی کی صبح جلد طلوع ہوگی،ہرقسم کے خطرات کےمقابلے کیلیے تیارہیں، فیلڈمارشل
Web Desk
5 February 2026
چیف آف ڈیفنس فورسز ،فیلڈ مارشل سید عاصم منیر نے کہا ہے کہ بھارت کے مظالم اورانسانی حقوق کی مسلسل خلاف ورزیاں کشمیری عوام کی جائز جدوجہد اور ان کی امنگوں کو دبانے میں ناکام رہی ہیں، مقبوضہ وادی کشمیریوں کی امنگوں کے مطابق جلد آزادی کی صبح دیکھے گی۔آئی ایس پی آر کے مطابق فیلڈ مارشل سید عاصم منیر نے مظفرآباد کا دورہ کیا، تحریک آزادی کے شہدا کو بھرپور خراج عقیدت پیش کیا، شہدائے جموں و کشمیر کی یادگار پر حاضری دی اور پھول چڑھائے۔
فیلڈ مارشل نے معززین اور سابق فوجیوں سے ملاقات کی اور مقبوضہ کشمیر کے عوام کیلئے پاکستان کی غیر متزلزل سیاسی، اخلاقی اور سفارتی حمایت کا اعادہ کیا۔آرمی چیف نے کہا کہ شہدا کی قربانیاں جرات، عزم اور بے لوث جدوجہد کی روشن مثال ہیں، شہداء کی قربانیاں ہمیشہ یاد رکھی جائیں گی۔ پاکستان سلامتی کونسل کی قراردادوں کے مطابق منصفانہ حل تک مسئلہ کشمیر اجاگر کرتا رہے گا، مقبوضہ وادی کشمیری عوام کی خواہشات کے مطابق جلد آزادی کی صبح دیکھے گی۔
آئی ایس پی آر کے مطابق فیلڈ مارشل نے مشکل آپریشنل حالات کے باوجود کشمیر میں تعینات افسران اور جوانوں کی تعریف کی، جوانوں کی غیر متزلزل وابستگی، بلند حوصلے، پیشہ ورانہ مہارت اور جنگی تیاری کو سراہا۔ انہوں نے ہر سطح پر اعلیٰ آپریشنل تیاری اور مؤثر ہم آہنگی برقرار رکھنے کی اہمیت پر زور دیا۔
فیلڈ مارشل سید عاصم منیر نے اگلے مورچوں کا بھی دورہ کیا اور فرنٹ لائن پر تعینات جوانوں سے ملاقات کی۔ انہوں نے کہاکہ کسی بھی جارحیت کا فوری اور منہ توڑ جواب دیا جائے گا، مسلح افواج ہر قسم کے خطرات کا مقابلہ کرنے کیلئے مکمل طور پر تیار ہیں۔
متعلقہ عنوانات
خلیج تعاون کونسل کا حوثی ملیشیا کو جوابدہ ٹھہرانے کیلئے فیصلہ کن مؤقف کا مطالبہ
20 November 2026
انقلابی شاعر فیض احمد فیض کو دنیا سے رخصت ہوئے 42 برس بیت گئے
20 November 2026
میکرون نے یوکرین کی نیٹو میں شمولیت یورپی سلامتی کیلئے انتہائی اہم قرار دیدی
20 November 2026
نئے صوبوں کے قیام سے ملک کو کوئی نقصان نہیں ہوگا: شوکت یوسفزئی
20 November 2026
ابوظہبی کے 2 بڑے عجائب گھروں میں بچوں کیلئے مفت تعلیمی سرگرمیوں کا آغاز
20 November 2026
سلامتی کونسل کالعدم بی ایل اے اور مجید بریگیڈ پر پابندیاں لگائے: چین
20 November 2026
اقوام متحدہ کے انسانی حقوق کے سربراہ وولکر ترک کا عمران خان کی فوری رہائی، مناسب سلوک اور سیاسی کشیدگی کم کرنے کا مطالبہ
20 November 2026
افغانستان میں دہشتگرد گروہوں سے رکن ممالک کو خطرہ ہے: سربراہ سلامتی کونسل
20 November 2026