یو اے ای نے پاکستان کے لیے 2 ارب ڈالر قرض کا ایک ماہ کے لیے رول اوور کر دیا

اسلام آباد: متحدہ عرب امارات (یو اے ای) نے پاکستان کے لیے 2 ارب ڈالر قرض کو ایک ماہ کے لیے رول اوور کر دیا ہے۔ یہ قرض گزشتہ ماہ میچور ہو چکا تھا، جبکہ جولائی میں پاکستان پر ایک اور 1 ارب ڈالر کی قسط میچور ہوگی۔

ذرائع کے مطابق پاکستان نے یو اے ای سے 3 ارب ڈالر کے قرض کو ایک سال کے لیے رول اوور کرنے کی دوبارہ درخواست بھی کر دی ہے۔ اس اقدام کا مقصد بیلنس آف پیمنٹ کے دباؤ کو کم کرنا اور آئی ایم ایف کے قرض پروگرام کی شرائط کے تحت مالی استحکام برقرار رکھنا ہے۔

متحدہ عرب امارات نے اس وقت 3 ارب ڈالر مرکزی بینک میں ڈپازٹ کرائے ہوئے ہیں، جنہیں پاکستان بیلنس آف پیمنٹ کے لیے استعمال کر سکتا ہے۔ ذرائع نے بتایا کہ پاکستان کی درخواست میں تینوں اقساط کو ایک سال کے لیے رول اوور کرنے کی استدعا شامل ہے۔