کوئٹہ سمیت بلوچستان کے مختلف اضلاع میں موبائل انٹرنیٹ سروس معطل

بلوچستان کے مختلف اضلاع میں امن و امان کی صورتحال کے پیش نظر موبائل فون انٹرنیٹ ڈیٹا سروس معطل کر دی گئی ہے۔

ذرائع کے مطابق حکومت کی ہدایت پر یہ اقدام احتیاطی تدبیر کے طور پر اٹھایا گیا ہے تاکہ کسی بھی ناخوشگوار واقعے سے بچا جا سکے۔ انٹرنیٹ سروس کی معطلی سے عام صارفین کے ساتھ ساتھ آن لائن کاروبار کرنے والے افراد کو بھی شدید مشکلات کا سامنا ہے۔

شہریوں کا کہنا ہے کہ انٹرنیٹ بندش کے باعث روزمرہ امور، تعلیمی سرگرمیاں اور رابطے متاثر ہو رہے ہیں۔ دوسری جانب متعلقہ حکام کا کہنا ہے کہ انٹرنیٹ سروس کی بحالی امن و امان کی صورتحال بہتر ہونے کے بعد مرحلہ وار کی جائے گی۔