LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

پہلا ون ڈے: پاکستان نے سری لنکا کو 6 رنز سے شکست دے دی

Web Desk

11 November 2025

راولپنڈی: پاکستان نے سری لنکا کو پہلے ایک روزہ میچ میں سنسنی خیز مقابلے کے بعد 6 رنز سے شکست دے کر تین میچز کی سیریز میں 1-0 کی برتری حاصل کرلی۔

راولپنڈی کرکٹ اسٹیڈیم میں کھیلے گئے میچ میں سری لنکا کی ٹیم 300 رنز کے ہدف کے تعاقب میں مقررہ 50 اوورز میں 9 وکٹوں کے نقصان پر 293 رنز بنا سکی۔

سری لنکا کی جانب سے ونندوہسارانگا نے آل راؤنڈ پرفارمنس دکھاتے ہوئے بولنگ میں 3 وکٹیں حاصل کیں جبکہ بیٹنگ میں مشکل صورتحال میں 59 رنز کی شاندار اننگز کھیلی۔ دیگر نمایاں بیٹرز میں سمارا وکرما 39، کمیل مشرا 38 اور کپتان چیریتھ اسالنکا 32 رنز کے ساتھ شامل رہے۔

پاکستانی بولرز کی جانب سے حارث رؤف نے عمدہ کارکردگی دکھاتے ہوئے 4 وکٹیں حاصل کیں، فہیم اشرف اور نسیم شاہ نے 2، 2 جبکہ محمد نواز نے ایک کھلاڑی کو آؤٹ کیا۔ تاہم پاکستان نے 31 ایکسٹرا رنز دیے، جن میں 26 وائیڈ بالز شامل تھیں، جو سری لنکن اننگز میں خاصا اضافہ ثابت ہوئیں۔

اس سے قبل پاکستان نے پہلے بیٹنگ کرتے ہوئے 5 وکٹوں پر 299 رنز اسکور کیے۔
آل راؤنڈر سلمان علی آغا نے شاندار ناقابل شکست سنچری اسکور کی۔ انہوں نے 83 گیندوں پر 9 چوکوں کی مدد سے 105 رنز بنائے اور ناٹ آؤٹ رہے۔ ان کی عمدہ کارکردگی پر انہیں پلیئر آف دی میچ قرار دیا گیا۔

محمد نواز نے بھی 36 رنز کے ساتھ ناٹ آؤٹ رہتے ہوئے سلمان کے ساتھ چھٹی وکٹ پر 66 رنز کی قیمتی شراکت قائم کی۔
دیگر بیٹرز میں حسین طلعت 62، فخر زمان 32 اور بابراعظم 29 رنز بنا سکے، جبکہ صائم ایوب 6 اور محمد رضوان صرف 5 رنز پر آؤٹ ہوئے۔

سری لنکن بولرز میں ونندوہسارانگا سب سے کامیاب رہے جنہوں نے 54 رنز کے عوض 3 وکٹیں حاصل کیں۔

میچ سے قبل ٹاس جیت کر سری لنکا نے فیلڈنگ کا فیصلہ کیا تھا۔
قومی ٹیم کے کپتان شاہین شاہ آفریدی نے ٹاس کے موقع پر کہا کہ “اگر ہم ٹاس جیتتے تو ہم بھی فیلڈنگ ہی کرتے۔ پچھلی سیریز کی طرح اس بار بھی بہترین کھیل پیش کرنے کی کوشش کریں گے۔“

سری لنکن کپتان چیریتھ اسالنکا نے کہا کہ ان کی ٹیم مثبت کرکٹ کھیل کر سیریز میں اچھا مظاہرہ کرنے کی کوشش کرے گی۔

دوسرا ون ڈے 13 نومبر اور تیسرا 15 نومبر کو کھیلا جائے گا۔