امریکا نے سعودی عرب کو 9 ارب ڈالر کے پیٹریاٹ میزائلز فروخت کی منظوری دے دی

امریکا نے سعودی عرب کو ممکنہ طور پر 9 ارب ڈالر مالیت کے جدید پیٹریاٹ میزائل سسٹم فروخت کرنے کی منظوری دے دی ہے۔ غیر ملکی خبر ایجنسی کے مطابق امریکی دفاعی ادارے پینٹاگون کا کہنا ہے کہ اس معاہدے کے تحت سعودی عرب کو پیٹریاٹ ایڈوانسڈ کیپیبلٹی-3 (PAC-3) میزائلز اور ان سے متعلق جدید آلات فراہم کیے جائیں گے۔

پینٹاگون کے مطابق اس فروخت کا مقصد خطے میں سعودی عرب کے دفاعی نظام کو مزید مضبوط بنانا اور اتحادی دفاعی صلاحیتوں میں اضافہ کرنا ہے۔

واضح رہے کہ اس سے قبل امریکا نے اسرائیل کو بھی 6.5 ارب ڈالر کے فوجی سازوسامان فروخت کرنے کی منظوری دی تھی، جس میں 3.8 ارب ڈالر کے اپاچی ہیلی کاپٹرز اور 1.98 ارب ڈالر کی لائٹ وہیکلز شامل ہیں۔

امریکی دفاعی حکام کے مطابق یہ دفاعی معاہدے خطے میں سکیورٹی توازن برقرار رکھنے اور اتحادی ممالک کی دفاعی ضروریات پوری کرنے کے لیے کیے جا رہے ہیں۔