سٹاک مارکیٹ میں شدید مندی، انڈیکس ایک لاکھ 87 ہزار پوائنٹس کی حد کھو بیٹھا

پاکستان سٹاک ایکسچینج میں آج شدید مندی دیکھنے میں آئی جس کے باعث ہنڈرڈ انڈیکس ایک لاکھ 87 ہزار پوائنٹس کی حد کھو بیٹھا۔ کاروباری ہفتے کے چوتھے روز ٹریڈنگ کے آغاز پر مارکیٹ میں تیزی دیکھی گئی اور ہنڈرڈ انڈیکس 500 سے زائد پوائنٹس کے اضافے کے ساتھ ایک لاکھ 88 ہزار 923 پوائنٹس کی سطح پر ٹریڈ کر رہا تھا۔

تاہم دن کے دوران اچانک مارکیٹ منفی زون میں چلی گئی اور 1700 سے زائد پوائنٹس کی کمی کے بعد ہنڈرڈ انڈیکس ایک لاکھ 86 ہزار 658 پوائنٹس کی سطح پر آ گیا۔

یاد رہے کہ گزشتہ کاروباری دن کے اختتام پر ہنڈرڈ انڈیکس 900 پوائنٹس اضافے کے ساتھ ایک لاکھ 89 ہزار 183 پوائنٹس پر بند ہوا تھا۔ مارکیٹ ماہرین کا کہنا ہے کہ عالمی معاشی اثرات اور سرمایہ کاروں کے تحفظات مندی کی اہم وجہ ہیں۔