نئی دہلی میں دھماکا: 9 ہلاکتیں، متعدد زخمی، سیکیورٹی ہائی الرٹ

بھارتی دارالحکومت نئی دہلی میں واقع لال قلعہ میٹرو اسٹیشن کے قریب دھماکہ ہوا، جس کے نتیجے میں کم از کم نو افراد ہلاک اور متعدد زخمی ہوئے ہیں۔

بھارتی میڈیا کے مطابق دھماکے کے بعد اسٹیشن کے اطراف کھڑی گاڑیوں میں آگ بھڑک اُٹھی اور فوری طور پر مقامی حکام نے علاقے کو گھیرے میں لے کر سیکیورٹی ہائی الرٹ جاری کر دیا۔حادثے کی وجوہات اور دھماکے کے ذمہ داروں کی شناخت کے لیے تفتیشی ٹیمیں فوری کارروائی کر رہی ہیں۔نئی دہلی کی سیکیورٹی فورسز اور ریسکیو حکام متاثرہ افراد کو فوری طبی امداد فراہم کر رہی ہیں، جبکہ شہریوں کو ہدایت کی گئی ہے کہ وہ حفاظتی اقدامات اختیار کریں اور دھماکے والے علاقے سے دور رہیں