ایس اینڈ پی اور اسٹیٹ بینک نے 2026-27 کے لیے پاکستان کی معیشت کی پیشگوئی جاری کی

ایس اینڈ پی گلوبل مارکیٹ انٹیلی جنس نے 2026 اور 2027 کے لیے پاکستان کے معاشی اعشاریوں کی پیشگوئی کی ہے۔ ایس اینڈ پی کے مطابق 2026 میں مہنگائی کی شرح 5.1 فیصد رہنے کا امکان ہے جبکہ 2027 میں یہ معمولی اضافہ کے ساتھ 5.6 فیصد تک جا سکتی ہے۔

کرنٹ اکاؤنٹ خسارہ بھی بڑھ کر 0.5 فیصد سے 1.3 فیصد تک پہنچنے کا امکان ہے۔ حقیقی جی ڈی پی نمو 2026 میں 3.5 فیصد رہنے کی توقع ہے۔ ایس اینڈ پی اور اسٹیٹ بینک کی پیشگوئیوں میں مجموعی طور پر ہم آہنگی پائی جاتی ہے۔

اسٹیٹ بینک نے بھی دو برسوں کے لیے مہنگائی 5 سے 7 فیصد رہنے کی پیشگوئی کی ہے۔ رواں مالی سال کے لیے کرنٹ اکاؤنٹ خسارہ 0 سے 1 فیصد متوقع ہے جبکہ معاشی شرح نمو 3.75 سے 4.75 فیصد رہنے کا امکان ہے۔ ماہرین کے مطابق یہ پیشگوئیاں مہنگائی میں کمی اور معیشت میں بہتری کے مشترکہ تجزیے کو ظاہر کرتی ہیں۔