پاکستان سٹاک مارکیٹ میں کاروبار کے آغاز پر مثبت رجحان

پاکستان اسٹاک مارکیٹ میں ایک بار پھر مثبت رجحان دیکھنے میں آیا ہے، جہاں ہنڈرڈ انڈیکس ایک لاکھ 88 ہزار پوائنٹس کی حد بحال کرنے میں کامیاب ہو گیا۔

کاروباری ہفتے کے پانچویں اور آخری روز کاروبار کے آغاز پر مارکیٹ میں نمایاں تیزی دیکھی گئی۔ 500 سے زائد پوائنٹس کے اضافے کے ساتھ پاکستان اسٹاک ایکسچینج کا ہنڈرڈ انڈیکس ایک لاکھ 88 ہزار 264 پوائنٹس کی سطح تک پہنچ گیا۔

یاد رہے کہ گزشتہ کاروباری دن کے اختتام پر مارکیٹ میں اتار چڑھاؤ کے باوجود ہنڈرڈ انڈیکس 654 پوائنٹس اضافے کے ساتھ ایک لاکھ 87 ہزار 688 پوائنٹس پر بند ہوا تھا، جس کے بعد آج تیزی کا تسلسل برقرار رہا۔

دوسری جانب انٹربینک مارکیٹ میں امریکی ڈالر کی قدر میں استحکام دیکھا گیا۔ فارن ایکسچینج مارکیٹ کے مطابق ڈالر 279 روپے 87 پیسے پر برقرار ہے، جس سے کرنسی مارکیٹ میں بھی اعتماد کی فضا قائم رہی۔

ماہرین کے مطابق سرمایہ کاروں کا اعتماد، بہتر معاشی اشاریے اور پالیسی تسلسل اسٹاک مارکیٹ میں حالیہ تیزی کی اہم وجوہات قرار دی جا رہی ہیں۔