ایچ بی ایل پی ایس ایل کے انتظامی ڈھانچے میں بڑی تبدیلیاں، ڈرافٹ کی جگہ آکشن سسٹم متعارف

لاہور: پاکستان سپر لیگ کے گیارہویں ایڈیشن کے لیے ایچ بی ایل پی ایس ایل کے انتظامی ڈھانچے میں اہم تبدیلیوں کا اعلان کر دیا گیا ہے، جس کے تحت آئندہ سیزن میں کھلاڑیوں کی سلیکشن ڈرافٹ کے بجائے آکشن کے ذریعے کی جائے گی۔

پی ایس ایل حکام کے مطابق آکشن سسٹم سے ٹیموں میں توازن پیدا ہوگا اور کھلاڑیوں کو بہتر مالی مواقع میسر آئیں گے۔ اس کے ساتھ ہی مینٹورز، برانڈ ایمبیسڈر اور رائٹ ٹو میچ (RTM) قوانین کو ختم کر دیا گیا ہے۔

آکشن سے قبل ہر فرنچائز کو چار کھلاڑی ریٹین کرنے کی اجازت ہوگی، تاہم ہر کیٹیگری میں صرف ایک کھلاڑی کو برقرار رکھا جا سکے گا۔ نئی شامل ہونے والی دونوں ٹیموں کو بھی آکشن سے قبل چار چار کھلاڑی منتخب کرنے کا اختیار دیا گیا ہے۔

ہر فرنچائز کو ایک بین الاقوامی کھلاڑی ڈائریکٹ سائن کرنے کی اجازت ہوگی، بشرطیکہ وہ کھلاڑی پی ایس ایل 2025 ایڈیشن کا حصہ نہ رہا ہو۔ آکشن کے لیے ہر ٹیم کا سیلری کیپ 16 لاکھ امریکی ڈالر مقرر کیا گیا ہے