گل پلازہ سانحہ: دکانداروں سے یکجہتی، آج مارکیٹیں بند رہیں گی، محمد عرفان

کراچی: گل پلازہ میں پیش آنے والے المناک آتشزدگی کے واقعے پر آج سوگ منایا جائے گا اور مختلف مارکیٹیں بند رکھی جائیں گی۔ صدر الیکٹرانکس ڈیلرز ایسوسی ایشن رضوان عرفان نے دکانداروں سے اظہارِ یکجہتی کے لیے یہ اعلان کیا ہے۔

رضوان عرفان کا کہنا ہے کہ گل پلازہ میں لگنے والی آگ نے تاجروں کو اربوں روپے کے نقصان سے دوچار کر دیا ہے، جبکہ متعدد دکاندار اور ان کے ملازمین عمارت میں موجود تھے۔ انہوں نے کہا کہ آج مارکیٹیں بند رکھ کر متاثرین کے ساتھ کھڑے ہونے کا پیغام دیا جائے گا۔

ریسکیو ذرائع کے مطابق گل پلازہ کی جلی ہوئی عمارت سے مزید دو لاشیں نکال لی گئی ہیں، جس کے بعد جاں بحق افراد کی تعداد میں اضافہ ہوا ہے ، جبکہ 22 افراد مختلف اسپتالوں میں زیر علاج ہیں۔

یاد رہے کہ اتوار کی شب گل پلازہ میں خوفناک آگ بھڑک اٹھی تھی جس کے نتیجے میں عمارت میں قائم بارہ سو سے زائد دکانیں جل کر راکھ ہو گئیں اور تاجروں کو اربوں روپے کے مالی نقصان کا سامنا کرنا پڑا۔