وزیراعظم شہباز شریف کی صدر اردوان سےملاقات، پاک ترک تعلقات مزید مستحکم بنانے پر اتفاق

وزیراعظم محمد شہباز شریف نےباکو میں یومِ فتح کی پریڈ کے موقع پر صدر ترکیہ رجب طیب ایردوان سے ملاقات کی، جس میں چیف آف آرمی اسٹاف فیلڈ مارشل سید عاصم منیر بھی موجود تھے۔

ملاقات کے دوران دونوں رہنماؤں نے پاکستان اور ترکیہ کے درمیان دوطرفہ تعلقات کے تمام پہلوؤں کا جائزہ لیا اور باہمی دلچسپی کے شعبوں میں تعاون کو مزید گہرا کرنے کے عزم کا اعادہ کیا۔ وزیراعظم نے ترکیہ کے یومِ جمہوریہ کے موقع پر صدر اردوان اور ترکی عوام کو تہنیتی مبارکباد دی اور پاکستان-ترکی تعلقات کی طویل اور پرجوش تاریخ کو سراہا، جو دونوں ممالک کے درمیان گہرے اور پائیدار روابط کی عکاسی کرتی ہے۔

وزیراعظم نے ترکیہ کے ساتھ برادرانہ تعلقات کو سیاسی، دفاعی، اقتصادی، تجارتی، سرمایہ کاری اور عوام سے عوام کے رابطوں پر مشتمل وسیع شراکت داری میں تبدیل کرنے کے پاکستان کے عزم پر زور دیا اور اس حوالے سے یہ بھی طے پایا کہ ترکیہ کا ایک وزارتی وفد جلد ہی پاکستان کا دورہ کرے گا۔

دونوں رہنماؤں نے علاقائی اور بین الاقوامی مسائل پر قریبی رابطہ کاری جاری رکھنے پر اتفاق کیا اور خطے اور مسلم دنیا میں امن، استحکام اور خوشحالی کو فروغ دینے کے لیے اپنی مشترکہ خواہش کا اعادہ کیا۔

وزیراعظم شہباز شریف کی صدر اردوان سےملاقات، پاک ترک تعلقات مزید مستحکم بنانے پر اتفاق

Web Desk

متعلقہ عنوانات

بیرسٹر گوہر اور سہیل آفریدی نے محسن نقوی سے ملاقات خاندان کو اعتماد میں لیے بغیر کی:علیمہ خان

شکیرا کے فیفا ورلڈ کپ 2026 گانے کی ویڈیو جاری، میسی اور امباپے سمیت عالمی ستارے شامل

پاکستان اور چینی کمپنیوں کے درمیان 7 ارب ڈالر سے زائد کے معاہدوں پر دستخط

ایران کی کوئٹہ دھماکے کی شدید مذمت، دہشت گردی کے خلاف مشترکہ تعاون پر زور

8ذوالحج: مناسک حج کا آغاز، 20 لاکھ سے زائد عازمین منیٰ پہنچنے لگے

بلوچستان حملہ پوری قوم کے دل پر وار ہے: نواز شریف

واٹس ایپ میں نیا فیچر متعارف کرانے کی تیاری، فون نمبر کے بغیر یوزر نیم سے چیٹ ممکن ہوگی

امریکی صدر ٹرمپ کا ایران امریکا جنگ کو ’الوداع‘ کا اشارہ، اے آئی تصویر اور پوسٹ نے نئی بحث چھیڑ دی