معرکۂ حق میں دنیا نے پاکستان کی جنگی صلاحیتیں دیکھی، آذربائیجان کے یومِ فتح کی تقریب میں وزیراعظم کا خطاب

آذربائیجان کے یومِ فتح کی پریڈ سے خطاب کرتے ہوئے وزیراعظم شہباز شریف نے کہا کہ معرکۂ حق میں دنیا نے پاکستان کی جنگی صلاحیتوں کا بھرپور مظاہرہ دیکھا۔

افواجِ پاکستان نے دشمن کے دانت کھٹے کرتے ہوئے 7 جنگی طیارے مار گرائے، جس نے پاکستان کی عسکری مہارت کو پوری دنیا کے سامنے منوا دیا۔

وزیراعظم نے کہا کہ یومِ فتح کی تقریب میں شرکت اُن کے لیے باعثِ فخر ہے۔ انہوں نے پاکستان کے عوام کی جانب سے آذربائیجان کی حکومت اور عوام کو مبارکباد پیش کرتے ہوئے کہا کہ تینوں برادر ملک پاکستان، آذربائیجان اور ترکیہ نے ہمیشہ ایک دوسرے کے ساتھ دوستی، بھائی چارے اور یکجہتی کا ثبوت دیا ہے۔

انہوں نے کہا کہ پاکستان، آذربائیجان اور ترکیہ کے دل ایک ساتھ دھڑکتے ہیں اور خطے کے امن، استحکام اور ترقی کے لیے یہ تعاون مستقبل میں مزید مضبوط ہوگا۔

وزیراعظم نے مزید کہا کہ معرکۂ حق کے دوران پاکستان نے نہ صرف اپنی دفاعی طاقت منوائی بلکہ دنیا کو واضح پیغام دیا کہ پاکستان امن چاہتا ہے لیکن دفاعِ وطن میں کوئی سمجھوتہ نہیں کیا جا سکتا۔

انہوں نے کہا کہ امریکی صدر ڈونلڈ ٹرمپ نے دنیا بھر میں امن کے لیے مثبت کردار ادا کیا۔ ساتھ ہی انہوں نے بھارتی جارحیت کے دوران پاکستان کے ساتھ کھڑے ہونے پر آذربائیجان اور ترکیہ کا خصوصی شکریہ ادا کیا۔

خطاب کے اختتام پر وزیراعظم شہباز شریف نے کہا کہ کامیابیوں کا جشن مناتے ہوئے ہمیں مستقبل پر نظر رکھنا ہو گی جبکہ آذربائیجان کے یومِ فتح کی تقریب میں آذربائیجانی دستے کی شرکت پاکستان کے لیے اعزاز اور دوستی کی علامت ہے۔

معرکۂ حق میں دنیا نے پاکستان کی جنگی صلاحیتیں دیکھی، آذربائیجان کے یومِ فتح کی تقریب میں وزیراعظم کا خطاب

Web Desk

متعلقہ عنوانات

سندھ کے عوام نے فسطائیت کا جس طرح مقابلہ کیا، انہیں سلام پیش کرتا ہوں: سہیل آفریدی

ایرانی بحریہ کا دشمن افواج کو کسی بھی مقام پر مفلوج کرنے کا دعویٰ

روس کے ساتھ جنگ موسمِ سرما تک جاری رہ سکتی ہے: زیلنسکی

جرمنی میں پولیس نے 21 بموں کے ناکارہ بنادیا

جاپان سندھ میں سیلاب سے بچاؤ کیلیے 16.4 ملین ڈالر کی گرانٹ دے گا

پاکستان شدید ترین سیاسی، معاشی اور امن و امان کے بحرانوں کی زد میں ہے: علامہ راجا ناصر عباس

سینیٹ داخلہ کمیٹی کا اجلاس: بلیو پاسپورٹس کی غیر قانونی تقسیم، نو ابجیکشن سرٹیفکیٹ اور سخت سزاؤں پر اہم سفارشات

امریکا کے ساتھ سٹریٹجک اتحاد اچھی بات ہے مگر کافی نہیں: قطر