انتظار کی گھڑیاں ختم، آئی سی سی انڈر 19 ورلڈکپ کا آغاز آج سے ہوگا

کرکٹ شائقین کے انتظار کی گھڑیاں ختم ہو گئیں، آئی سی سی انڈر 19 کرکٹ ورلڈکپ کا باقاعدہ آغاز آج سے ہو رہا ہے۔ میگا ایونٹ کے پہلے دن مجموعی طور پر تین میچز کھیلے جائیں گے۔

افتتاحی میچ میں بھارت اور امریکا کی انڈر 19 ٹیمیں مدمقابل ہوں گی۔ دوسرے میچ میں زمبابوے اور اسکاٹ لینڈ کی ٹیمیں آمنے سامنے آئیں گی، جبکہ دن کے تیسرے اور آخری میچ میں ویسٹ انڈیز اور تنزانیہ کی ٹیمیں ایک دوسرے کے خلاف میدان میں اتریں گی۔

دوسری جانب قومی انڈر 19 ٹیم آج ہرارے میں ٹریننگ سیشن میں حصہ لے گی، جہاں کھلاڑی اپنی مہارتوں کو مزید نکھاریں گے۔ پاکستان اپنا پہلا میچ کل انگلینڈ کے خلاف کھیلے گا۔