ایئرکرافٹ انجینیئرز کی ہڑتال برقرار، قومی ایئر لائن کی 5 پروازیں منسوخ، کئی تاخیر کا شکار
Web Desk
8 November 2025
اسلام آباد: قومی ایئر لائن پی آئی اے کے ایئرکرافٹ انجینیئرز کی ہڑتال کے باعث فلائٹ آپریشن شدید متاثر ہوگیا ہے، جس کے نتیجے میں آج بھی 5 پروازیں منسوخ جبکہ متعدد پروازیں گھنٹوں تاخیر کا شکار ہیں۔
ذرائع کے مطابق ملک بھر سے چلنے والی 43 پروازوں میں سے 26 پروازیں تاخیر کا شکار ہیں۔ ہڑتال کے باعث کراچی اور پشاور سے دبئی جانے والی پروازیں پی کے 213 اور پی کے 284 منسوخ کردی گئی ہیں۔ اسی طرح سیالکوٹ سے شارجہ اور ابوظہبی جانے والی پروازیں پی کے 210 اور پی کے 177 بھی منسوخ ہیں، جبکہ پشاور سے شارجہ جانے والی پرواز پی کے 257 کو بھی منسوخ کر دیا گیا۔
اسلام آباد ایئرپورٹ کی 19، لاہور کی 11 اور کراچی کی 7 پروازوں میں تاخیر رپورٹ ہوئی ہے۔ اسلام آباد اور کراچی سے کوئٹہ جانے والی چار پروازوں میں ساڑھے چار گھنٹے تک کی تاخیر ہوئی، جبکہ پشاور سے شارجہ کی پرواز پی کے 258 میں 9 گھنٹے کی تاخیر سامنے آئی ہے۔
اسی طرح ابوظہبی سے پشاور کی پرواز پی کے 217 میں ساڑھے 7 گھنٹے تاخیر ہوئی۔ کراچی سے لاہور اور اسلام آباد جانے والی 6 پروازوں میں 1 سے 5 گھنٹے جبکہ لاہور سے ریاض، مدینہ اور جدہ کی پروازوں میں 6 سے 7 گھنٹے کی تاخیر ریکارڈ کی گئی۔
ذرائع کے مطابق، قومی ایئر لائن کی جدہ سے کراچی آنے والی پروازیں پی کے 762 اور 832 میں 4 گھنٹے تک تاخیر ہوئی، اسلام آباد سے دبئی جانے والی پی کے 233 اور 234 میں 4 سے 6 گھنٹے کی تاخیر، جبکہ اسلام آباد سے مدینہ جانے والی پی کے 714 میں 8 گھنٹے اور مدینہ سے ملتان آنے والی پی کے 715 میں 6 گھنٹے کی تاخیر ہوئی۔
ایئرکرافٹ انجینیئرز کی ہڑتال کے باعث قومی ایئر لائن کا فلائٹ شیڈول بری طرح متاثر ہے، اور مسافروں کو مشکلات کا سامنا کرنا پڑ رہا ہے۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026