ٹرمپ نے گرین لینڈ پر حملے کے منصوبے کی تیاری کا حکم دے دیا، برطانوی میڈیا نے دعویٰ کردیا
Web Desk
11 January 2026
برطانوی میڈیا کے دعوے کے مطابق امریکی صدر ڈونلڈ ٹرمپ نے فوجی سربراہان کو ہدایت دی ہے کہ وہ گرین لینڈ پر حملے کے ممکنہ منصوبے کی تیاری کریں۔ تاہم سینئر امریکی فوجی اس منصوبے کے خلاف ہیں اور صدر کی توجہ کم متنازعہ امور، جیسے روس کے گھوسٹ جہازوں کو روکنا یا ایران پر حملہ، کی جانب مبذول کرائی جا رہی ہے۔
اخبار کے مطابق صدر ٹرمپ نے جوائنٹ اسپیشل آپریشنز کمانڈ کو منصوبہ بندی تیار کرنے کا حکم دیا ہے، لیکن جوائنٹ چیفس آف اسٹاف اس کی مخالفت کر رہے ہیں اور انہیں خدشہ ہے کہ یہ عمل غیر قانونی ہوگا اور کانگریس حمایت نہیں کرے گی۔
رپورٹ میں دعویٰ کیا گیا ہے کہ صدر کے قریبی مشیر اسٹیفن ملر سمیت کئی اہلکار گرین لینڈ پر حملے کے حق میں ہیں، اور وینزویلا کی حالیہ کارروائی نے ان کا حوصلہ بڑھایا ہے۔ اخبار کے مطابق ٹرمپ امریکی معیشت سے ووٹرز کی توجہ ہٹانے اور مڈٹرم انتخابات سے قبل گرین لینڈ پر فوکس کرنے کے لیے اس اقدام پر غور کر رہے ہیں۔
مزید دعویٰ کیا گیا ہے کہ اگر ٹرمپ گرین لینڈ پر حملہ کرتے ہیں تو یہ برطانوی وزیراعظم کے ساتھ کھلے اختلاف کا سبب بنے گا اور نیٹو اتحاد کے لیے خطرہ ہو سکتا ہے۔ بعض یورپی حکام کا خیال ہے کہ یہ اقدام امریکی قریبی حلقوں کا طریقہ ہے تاکہ یورپی ممالک خود نیٹو چھوڑنے پر مجبور ہوں۔
اخبار کے مطابق ڈنمارک ممکنہ طور پر امریکہ کو گرین لینڈ تک مکمل فوجی رسائی دینے پر تیار ہو سکتا ہے تاکہ چین اور روس کی رسائی روکی جا سکے۔ موسم گرما تک صورتحال پر قابو پانے کے لیے ٹرمپ کے پاس وقت محدود ہے، جبکہ نیٹو سربراہ اجلاس 7 جولائی کو منعقد ہوگا، جو کسی سمجھوتے کے لیے موزوں لمحہ ہو سکتا ہے۔
متعلقہ عنوانات
پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا
22 November 2026
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026